Сирожиддин
ҚУЛБОБОЕВ
Сирожиддин ҚУЛБОБОЕВ – 1985 йил туғилган. Ижодкорнинг “Айрилиқ фасли”
номли китоби нашр этилган.
* * *
Ялт этди фалакда ўтли чақинлар,
Дарахтлар йиқилди унинг зарбидан.
Шамол-ку елади, беғам, бетўхтов,
Қуёш ҳам чиқмади унинг дастидан.
Ёмғир савалайди уйни, кўчани,
Замин қуруқ қолган қуёш тафтидан.
Ёмғир томчилари айланар қорга,
Юлдузлар чиқмади қўрқиб афтидан.
Кўнгил
О, кўнгил, сен бунчалар нозик,
Бағринг гўё феруза осмон.
Қўлинг бўлса, қўлингдан тутиб,
Йўл бошласам лолазор томон.
Сайр қилиб юрсак иккимиз,
Тунда ойнинг ёғдуларида.
Ажиб қўшиқ таралар шу дам,
Юлдузларнинг кулгуларидан.
Тоғлардан-да баландроқ учсак,
Қайтмоққа ҳеч уринмам изга.
Сирларимни очарман шунда,
Халал бермас ҳеч кимса бизга.